Mban Oferta të Ulëta ose të Njëjta
Një nga gabimet më të zakonshme që bëjnë shumë pronarë biznesi është mbajtja e ofertave në nivel të ulët. Produktet dhe shërbimet me çmime të vogla kërkojnë shumë klientë për të gjeneruar fitime domethënëse — dhe kjo shpesh shkakton lodhje, kaos operacional dhe fitime minimale.
Matematika e Thjeshtë e Një Milion Eurove
- Shet një produkt për 1 euro → duhen 1 milion klient
- Shet një produkt për 10 euro → duhen 100,000 klient
- Shet një produkt për 100 euro → duhen 10,000 klient
- Shet një produkt për 1,000 euro → duhen 1,000 klient
- Shet një produkt për 10,000 euro → duhen 100 klient
- Shet një produkt për 100,000 euro → duhen 10 klient
- Shet një produkt për 1,000,000 euro → të duhet vetëm 1 klient
Pra, cila strategji duket më e thjeshtë për ty? A është më e lehtë për ty të shërbesh 1 milion njerëz apo 1 klienti cilësorë që vlerëson shërbimin tënd dhe paguan çmimin që meriton?
Shto një zero në ofertën tënde – dhe shiko çfarë ndodh?
Imagjino se çfarë ndryshimi do të ndodhte nëse do t’i shtoje vetëm një zero çmimit të ofertës tënde aktuale. Pyete veten :
- Si do të ndiheshe për projektin tënd?
- Sa më shumë i motivuar do të ishe?
- Si do të ndryshonte mënyra se si e udhëheq biznesin?
- Çfarë klientësh do të tërhiqje?
- Si do të ndikonte kjo në reputacionin tënd?
Nëse shet produkte fizike, kjo qasje kërkon një strategji të ndryshme.
Por nëse shet shërbime — trajnime, konsulencë, marketing, zhvillim biznesi — high ticket është rruga.
Çdo Industri Ka Oferta Premium
Nuk ka rëndësi në cilën industri operon. Produktet dhe shërbimet premium ekzistojnë .
Shumë sipërmarrës harrojnë këtë fakt:
10% deri në 20% e audiencës tënde kërkon versionin më të mirë të asaj që ofron.
Ata nuk duan “sa më lirë”, ata duan zgjidhjen më efektive dhe më të shpejtë për problemin e tyre.
Kur pozicionohesh si ekspert, kur ofron vlerë reale dhe zgjidhje të thella për probleme të mëdha — klientët e duhur do të paguajnë çmimin që kërkon.
E vërteta që askush nuk e thotë:
- Sa më shumë të paguajnë klientët, aq më shumë të vlerësojnë.
- Sa më shumë të të vlerësojnë, aq më shumë do të besojnë tek ty.
- Dhe sa më shumë të besojnë tek ty, aq më shumë do të të kërkojnë për zgjidhje edhe më të mëdha.
Pse një Shitje High Ticket Ndryshon të Gjithë Lojën në Biznes ?
- Mbulon kostot mujore me vetëm një shitje.
- Gjeneron fitime më të larta pa nevojën për volum masiv.
- Punon me klientë më të vetëdijshëm, më të përkushtuar dhe më bashkëpunues.
- Ndërton një ekip më të vogël, por më cilësor dhe të qëndrueshëm.
- Ul stresin operativ, rrëmujën dhe qarkullimin e stafit.
- Forcon pozicionimin dhe autoritetin tënd në treg.
Dhe diçka shumë e rëndësishme…
Nuk të duhen dhjetë herë më shumë përpjekje për të shitur një produkt që kushton dhjetëfish më shumë.
Në shumë raste, të duhet më pak përpjekje për të shitur një ofertë high ticket sesa një produkt low ticket.
Madje, ndonjëherë është më e lehtë ta shesësh ofertën premium.
